Բժշկական առաջին օգնության պայուսակ. armeniamedicalcenter.am

Յուրաքանչյուր մարդ կարող է հանկարծ իրեն վատ զգալ կամ վնասվածք ստանալ՝ անկախ տարիքից, առողջական վիճակից:
Այդ պատճառռով բժշկական առաջին օգնության պայուսակը պետք է ձեռքի տակ լինի՝ տանը, ավտոմեքենայում, աշխատատեղում, թե՝ հանգստի մեկնելիս:

Պայուսակի պարունակությունը.

• Հականեխիչներ. Յոդ, Ջրածնի պերօքսիդ (պերեկիս)
• Սեղմակապ` արյունահոսությունը կանգնեցնելու համար
• Վիրակապի պարագաներ. բամբակ (բամբակի խծուծներ), ստերիլ և առաձգական վիրակապ, հականեխիչ վիրակապ` վերքերի համար և բժշկական՝ ֆիքսելու համար
• Ձեռնոցներ և դիմակներ
• Մկրատներ, պինցետ, մի քանի տարբեր չափերի ներարկիչ, ջերմաչափ
• Պանտենոլ (բեպանտին կամ փոխարինողներ). հակաայրվածքային և վերքամոքիչ միջոց
• Ցավազրկող (ջերմնիջեցնող միջոցներ). Պարացետամոլ, Իբուպոպրոֆեն, Էֆերալգան
• Սպազմոլիտիկներ․ Նո-շպա, Սպազմալգոն
• Մարսողության խանգարումների դեմ միջոցներ․ Սմեկտա, Ակտիվացված ածուխ, Ատօքսիլ՝ դիարեայի դեմ, Գուտալակս, Գլիցերինի մոմիկներ՝ փորկապության դեմ
• Քթի խոնավեցնող և անոթասեղմիչ կաթիլներ․ Նոզոլ, Նազիվին
• Ցողացիրներ, օշարակներ՝ կոկորդի ցավի և հազի դեմ․ ալթեյի արմատներ, Պրոսպան, Սեպտոլետ, Ստրեպսիլս
• Արագ ազդեցության ցավազրկողներ՝ Անալգին, Կետանոլ, Նիմեսիլ (ատամի ցավի դեմ)
• Սրտային խնդիրների ժամանակ կիրառվող դեղեր․ Վալիդոլ, Կորվալոլ, Նիտրոգլիցերին
• Քսուք Նիմիդ՝ մկանային և հոդային ցավերի ժամանակ
• Հակահիստամինային դեղեր՝ ալերգիայի դեմ․ Դիմեդրոլ, Սուպրաստին
• Ամոնիակ (անուշադրի սպիրտ)՝ ուշագնացության ժամանակ

Դեղարկղը տանը պետք է լինի հարմար, սակայն երեխաների համար դժվար հասանելի տեղում:

Մեքենայում դեղարկը, սովորաբար, պահվում է գրպանիկում:

Եթե բուժօգնության պայուսակը նախատեսված է արտադրամասի համար, ապա պետք է ավելացնել նաև միջոցներ՝ հաշվի առնելով.

• գործունեության տեսակը,
• տրավմատիզացիայի վտանգի աստիճանը,
• աշխատակիցների տարիքը, սեռը, առանձնահատկությունները,
• աշխատակիցների քանակը։

Պետք է արկղի պարունակությանն ավելացնել նաև.

• անհատական պաշտպանման և հիգիենայի միջոցներ,
• պաշտպանիչ և արհեստական շնչառության դիմակներ,
• արյան ճնշումը կարգավորող, հանգստացնող միջոցներ, անհրաժեշտ է ունենալ նաև տոնոմետր։

Հարցեր, պատասխաններ, մեկնաբանություններ